Malaızııa Ýkraınadaǵy áýe apatyna baılanysty 22 tamyzdy aza tutý kúni dep jarııalady
ASTANA. QazAqparat - Malaızııa úkimeti Donetsk oblysynda áýe apatynda qaıtys bolǵandar úshin 22 tamyzdy aza tutý kúni dep jarııalady, dep habarlady ITAR-TASS.
Búgin Kýala-Lýmpýrde eldiń vıtse-premeri Mýhıddın ıAsın málim etkendeı, dál osy kúni apattan qaza tapqan 15 adamnyń denesi atamekenine jetkiziledi. Onyń sózine qaraǵanda, múrdeler týǵan-týystaryna beriletin bolady.
Esterińizge sala keteıik, Malaysia Airlines kompanııasyna tıesili Boeing-777 ushaǵy 17 shilde kúni Ýkraınanyń Donetsk oblysyna qarasty Grabovo aýylynyń mańynda apatqa ushyraǵan bolatyn. Ushaq bortynda bolǵan 298 adam qaza tapty. Olardyń 43-i - malaızııalyqtar, sondaı-aq qaza tapqandar qatarynda Avstralııa, Nıderlandy, Indonezııa, Ulybrıtanııa, Germanııa, Belgııa, Fılıppın, Kanada jáne Jańa Zelandııa azamattary bolǵan.
