Malaızııa týrnırinde qazaqstandyq boksshylar 6 altyn medal enshiledi
ASTANA. QazAqparat - Malaızııada «Agong Kýbogi» jolyndaǵy jarysta tájirıbe retinde quralǵan Qazaqstan ulttyq quramasy 6 altyn medal jeńip aldy, dep habarlaıdy Qazaqstannyń boks federatsııasynan.
Osynyń arqasynda Qazaqstan jalpy esepte kósh bastap, qurama kýbokti óz qanjyǵasyna baılady.
ıAǵnı, Alor-Setar qalasyndaǵy sport kesheninde Qazaqstan Ánurany 6 ret áýeledi.
Ádilbek Ádiljan (56 kg), Baǵdat Ýaıdaev (60 kg), Máýlen Óskenbek (64 kg), Aıtjan Shleev (69 kg), Nurzada Sabyrov (75 kg) pen Tursynbaı Qulahmet (81 kg) bul týrnırde qarsylas shaq keltirmeı, altynnan júlde taqty. Al Máýlen Óskenbek tipti dodanyń eń úzdik boksshysy atandy.
8-14 naýryz aralyǵynda ótken jarysqa 8 elden 58 boksshy qatysty. Aıta keteıik, tájirıbelik qurama bıyl qańtar aıynda qurylǵan. Oǵan bolashaǵynan úmit kúttiretin 22 sportshy enip otyr. Olar - Qazaqstan negizgi ulttyq quramasynyń izin jalǵastyratyn jas talanttar.
