Malaızııa SІM: Taıland pen Kambodja basshylary 28 shildede kelissóz ótkizedi
ACTANA. KAZINFORM – Taıland pen Kambodja basshylary Phýmtham Vechaıachaı men Hýn Manet 24 shildede eki el shekarasynda áskerıler arasyndaǵy qarýly qaqtyǵystardan keıin dúısenbi kúni Malaızııada kelissóz ótkizedi. Bul týraly Malaızııa Syrtqy ister mınıstri Mohamad Hasan málimdedi, - dep habarlaıdy TASS.
– Men Taılandtyń da, Kambodjanyń da syrtqy ister mınıstrlerimen sóılesý múmkindigine ıe boldym. Olar bul máselege basqa eshbir el aralaspaýy kerek degen pikirge kelisedi. Olar Malaızııaǵa tolyqtaı senedi jáne menen deldal bolýdy ótindi, - dep keltiredi Bernama agenttigi mınıstrdiń sózin.
Ol sondaı-aq AQSh-tyń memlekettik hatshysy Marko Rýbıonyń telefon qońyraýyn kútetinin aıtty. Óıtkeni AQSh araǵaıyndyqqa daıyn ekenin bildirgen.
– Alaıda meniń oıymsha, Malaızııa aldymen deldal retinde áreket etkeni durys, óıtkeni bul ASEAN-nyń ishki máselesi jáne Malaızııa ASEAN tóraǵasy retinde bul róldi atqarýy kerek, - dep qosty mınıstr.
Kambodja men Taılandtyń qarym-qatynasy 28 mamyrda bolǵan qarýly qaqtyǵystan keıin nasharlaı bastady. Onda Taı sarbazdary Kambodjanyń Preahvıhear provıntsııasy men Taılandtyń Ýbonratchathanı provıntsııasy arasynda ornalasqan daýly aýmaqtaǵy Fong aýdanynyń Techo Morokot aýylynda Kambodjanyń áskerı beketine oq jaýdyrdy. Nátıjesinde bir kambodjalyq áskerı qyzmetker qaza taýyp, taǵy birneshe adam jaraqat aldy.
24 shildede eki eldiń shekarasyndaǵy shekaralas aýdandarda — Mambeıde, sondaı-aq Tamoanthom, Tamoantaých jáne Takrabeı hramdarynyń aınalasynda jańa qarýly qaqtyǵystar bastaldy. Olardyń aınalasyndaǵy aýmaqtar týraly máselege baılanysty Kambodja 2025 jyldyń maýsym aıynyń basynda BUU Halyqaralyq sotyna zańdy esep aıyrysý úshin tapsyrdy.
Taıland Kambodjanyń mundaı qadamymen kelispeıtinin bildirdi.
Buǵan deıin Kambodja men Taıland BUU Qaýipsizdik keńesiniń otyrysynda talaptary týraly aıtqan bolatyn.
Tramp Taıland pen Kambodja premerleriniń kezdesýge keliskenin málimdedi.
Aıta keteıik, 23 shildede shekaralyq aımaqta mına jarylyp, Taıland sarbazdary zardap shekti.
Taıland pen Kambodja shekarasynda qaqtyǵystyń shıelenisýi jaǵdaıynda oq almasyp, saldarynan 9 beıbit turǵyn qaza taýyp, 14 adam jaraqat aldy.