Malaızııa ómir súrý qunynyń ósýine baılanysty halyqqa aqsha taratady

ASTANA. KAZINFORM — Malaızııa premer-mınıstri Anýar Ibragım ómir súrý qunynyń ósýine baılanysty halyqty qoldaýdyń jańa sharalaryn jarııalady, dep habarlaıdy Bangkokpost.

Eldiń kámeletke tolǵan azamattary 100 rınggıt (23,70 dollar) kóleminde bir rettik tólem alady.

Kómek baǵdarlamasynyń jalpy qarjylandyrylýy 2025 jyly 15 mıllıard rınggıtti quraıdy, bul bastapqyda josparlanǵan 13 mıllıard rınggıtten asady.

Bul sharalar Kýala-Lýmpýrda senbige josparlanǵan jappaı narazylyqtar aldynda jarııalandy. Oppozıtsııa úkimetti baǵanyń ósýin toqtata almaı, ýáde etilgen reformalardy júzege asyrmady dep aıyptaıdy. Demonstratsııaǵa 10-15 myńǵa jýyq adam qatysady dep kútilýde.

Premer-mınıstr halyq shyǵynyn odan ári azaıtý qajettigin atap ótip, kedeıshilikpen kúresý úshin qosymsha sharalar qabyldaýǵa ýáde berdi. Úkimet sonymen qatar RON95 janarmaıyna jańa sýbsıdııalaý júıesin engizedi, bul benzın baǵasyn lıtrine shamamen 1,99 rıngıtke deıin tómendetedi.

Sarapshylardyń pikirinshe, mundaı qadamdar ishki suranysty qoldaý úshin qajet, biraq bul el bıýdjetine qosymsha qysym jasaıdy. Ekonomıster janar-jaǵarmaıǵa sýbsıdııalaý reformasynyń keshigýi úkimettiń 2028 jylǵa qaraı bıýdjet tapshylyǵyn JІÓ-niń 3 paıyzyna deıin tómendetý maqsatyn oryndaýǵa kedergi keltirýi múmkin dep eskertti.

Eske sala keteıik, Ońtústik Koreıa úkimeti halyqqa 110 dollardan taratatyny jaıly jazǵan edik.