Malaızııa men Taılandta jer silkindi

ASTANA. KAZINFORM – Malaızııada jer silkinisiniń kúshi 7,1, al Taılandta 6,5 ball boldy, dep habarlaıdy Kazinform.

Eýropa-Jerorta teńizi seısmologııalyq ortalyǵynyń (EMSC) saıtynyń málimetinshe, Malaızııa jaǵalaýynda, Santa-Krýs arhıpelagynyń (Solomon araldary) bir bóliginde magnıtýdasy 7,1 bolatyn jer silkinisi tirkeldi. Jer silkinisiniń oshaǵy Kota Kınabalýdan soltústikke qaraı shamamen 97 shaqyrym jerde, 620 shaqyrym tereńdikte ornalasqan. 

TASS agenttiginiń málimetine súıensek, zardap shekkender men qırandylar týraly aqparat jarııalanbaǵan. Sondaı-aq atalǵan aımaqtarda tsýnamı qaýpi tónip turmaǵany habarlandy. 

Sınhýa agenttiginiń habarlaýynsha, Taılandta jeksenbi kúni 17:07-de 6,5 baldyq jer silkinisi boldy. Nemis geoǵylymı zertteý ortalyǵynyń (GFZ) aldyn ala málimeti boıynsha, jer silkinisiniń oshaǵy soltústik endiktiń 17,03 gradýsynda jáne shyǵys boılyqtyń 101,98 gradýsynda ornalasqan. Gıpotsentr 10 shaqyrym tereńdikte ornalasqan. 

Buǵan qosa, jeksenbi kúni Grınvıch ýaqytymen 16:57-de Kalımantan (Borneo) aralynyń mańynda magnıtýdasy 7,1 bolatyn jer silkinisi boldy. Aldyn ala málimetter boıynsha, jer silkinisiniń oshaǵy soltústik endiktiń 6,89 gradýsynda jáne shyǵys boılyqtyń 116,25 gradýsynda ornalasqan. Gıpotsentr 632,7 shaqyrym tereńdikte ornalasqan.

Budan buryn Túrkııanyń ońtústik-shyǵysynda jer silkingenin habarlaǵanbyz.