Malaızııa Quran basyp shyǵarýda Saýd Arabııasynan keıingi orynǵa umtylýda
ASTANA. 12 tamyz. QazAqparat - Malaızııa Azııa elderi boıynsha Quran basyp shyǵarýda Saýd Arabııasynan keıingi orynǵa umtylýda. Bul jaıynda muslim.kz saıty The Star-ǵa silteme jasap habar taratty.
Osy eldiń premer-mınıstri Nadjıb Týn Razaq osyndaı málimdeme jasap, Malaızııanyń osy baǵytta Mádınadaǵy korol Fahdanyń baspa kesheniniń úlgisinde jumys isteýge daıyn ekenin jetkizdi.
Ol óz sózinde Malaızııada Qurandy basyp shyǵarýmen Yayasan Restu qorynyń jıyrma jyldan astam ýaqyt boıy aınalysyp kele jatqanyn tilge tıek etti. Osy jyldardyń ishinde atalmysh qordyń malaılyqtar men ózge de musylman elderi úshin qasıetti Qurannyń 700 myńnan asa danasyn basyp shyǵarǵanyn aıta ketý kerek.
Jańa baspahana memlekettik Percetakan Nasional Malaysia Berhad baspanyń jáne Yayasan Restu qorynyń negizinde jumys isteıdi. Baspahananyń qyzmetkerleri 100 paıyz musylmandardan turady.
