Malaızııa Qorǵanys mınıstri Máskeýde Boeing apatynyń sebepteriniń tergelý barysyn talqylaıdy
ASTANA. QazAqparat - Malaızııanyń qorǵanys mınıstri Hıshamýddın Hýseın 10 qyrkúıekte Ýkraınanyń Donetsk oblysyndaǵy jolaýshylar laıneri apatynyń sebepterin tergeý barysyna baılanysty máselelerdi talqylaý úshin Máskeýge keledi, bul týraly New Strait Times gazeti habarlady, dep jazady ITAR-TASS.
Basylym derekterine súıensek, vedomstvo basshysy Reseı astanasynan Amsterdamǵa barady, onda «Malaızııa áýe jelisine» tıesili Boeing777 ushaǵynyń apatyna baılanysty isti tergeý úrdisi jaıynda sóz qozǵalady.
30 malaızııalyq sarapshylardan turatyn top laınerdiń apatqa ushyraǵan aımaǵynan zattaı aıǵaqtar jınaý, sondaı-aq qaza tapqandardyń súıekterin izdeýdi jalǵastyrý úshin Ýkraınaǵa ushyp ketti. Olardyń apat ornynda qaı kezde bolatyny ázirge habarlanbady. Malaızııalyq ishki ister mınıstri Ahmad Zahıd Hamıdı atap ótkendeı, jumysty barynsha jyldamdatyp bastaý qajet, óıtkeni «birneshe aptadan keıin ol jerge qar jaýýy múmkin, al bul operatsııany qıyndatyp jiberedi».
