Malaızııa Boıngtiń qara jáshikterin talap etip otyr
ASTANA. QazAqparat - Malaızııa bıligi 17 shildede Ýkraınada apatty bolǵan Malaysia Airlines áýe kompanııasynyń Boıng 777 qara jáshikterin alý nıeti jaıynda málimdedi. Bul týraly eldiń Premer-Mınıstri Nadjıb Týn Razak habarlady, dep jazady sheteldik BAQ.
Onyń sózine qaraǵanda, halyqaralyq quqyq talaptaryna sáıkes, ushaq ıesi áýe kemesi bortyndaǵy jazba quraldaryn alýǵa tolyq quqyly.
«Biz halyqaralyq zańnamany oryndaýymyz kerek. Sondyqtan ózge taraptar qara jáshikterdi talap ete almaıdy jáne ony ıelenýge quqyǵy joq», - dedi premer.
Nadjıb Týn Razaktyń atap ótýinshe, qazirgi kezde áýe apatynan qaza bolǵan el azamattarynyń denesin otanyna qaıtarý boıynsha barlyq sharalar jasalýda. Aldyn ala málimetter boıynsha, ushaq bortynda 15 ekıpaj múshesin qosa eseptegende Malaızııanyń 44 azamaty boldy.
