Malaızııa Boeing apatynyń sebepterin anyqtaý úshin Ýkraınaǵa 2 ushaq jiberedi

ASTANA. QazAqparat - Malaızııa Boeing apatynyń sebepterin anyqtaý úshin Ýkraınaǵa 2 C-130 Hercules áskerı-kólik ushaǵyn jiberedi . Bul týraly eldiń qarýly kúshteriniń ókili, general Zýlkeflı Zın málimdedi, dep habarlady ITAR-TASS.

«Qajet bolǵanda biz kez kelgen kómek kórsetýge daıynbyz», - dedi ol.

Óz kezeginde, Malaızııanyń premer-mınıstri Nadjıb Týn Razak jolaýshylar laıneriniń sebepterin boljamaıtynyn, naqty derekterge súıenetinin jetkizdi.

«Bul isti naqty dálelder men faktiler negizinde tergeýimiz qajet», - degen premerdiń sózin jergilikti BAQ keltirdi.

Aıta keteıik, «Amsterdam - Kýala-Lýmpýr» baǵytynda ushqan Boeing 777 beısenbi kúni keshke Donetsk oblysynda apatqa ushyrady. Ushaq bortynda bolǵan 298 adamnyń barlyǵy qaza tapty.