Malaızııa Boeing-777 apatqa ushyraǵan jerdi qaıta qaramaq
ASTANA. QazAqparat - Malaızııa sarapshylary Donetsk oblysyndaǵy Boeing 777 jolaýshylar laıneriniń apatqa ushyraǵan jerin qaıta tekserýi múmkin. Bul týraly malaızııalyq qorǵanys mınıstri Hıshamýddın Hýseın málimdedi.
"Biz Ýkraınanyń shyǵysyndaǵy apat oryn alǵan aýmaqty qaıta qaraýdyń múmkindikterin izdeımiz", - dedi vedomstvo basshysy.
Hýseın qazir «qaza tapqandardyń múrdelerin taný» úrdisi júrip jatqanyn aıtty. Malaızııa bıligi apat saldarynan kóz jumǵandardyń týystaryna qajetti jaǵdaılar jasap jatqanyn tilge tıek etti. Mınıstrdiń sózine qaraǵanda, aldaǵy senbi kúni Amsterdamnan Kýala-Lýmpýrǵa ajal qushqandardyń óli denelerin ákeletin úshinshi arnaıy reıs keledi, dep habarlady ITAR-TASS.
