Malaızııa bıligi joǵalǵan Boeing ushaǵyn Ońtústik Qytaı teńizi mańaıynan izdestirýdi toqtatpaq
ASTANA. QazAqparat - Malaızııa bıligi «Malaızııa áýe joldary» kompanııasynyń Boeing 777-200 ushaǵyn izdestirý operatsııalaryn toqtatýǵa nıetti, dep jazady ITAR-TASS.
Bul týraly baspasóz máslıhatynda Malaızııa premer-mınıstri Nadjıb Razak málim etti. Aıta keteıik, bul ushaqpen baılanys ol 7 naýryz kúni Ońtústik Qytaı teńizi ústinen ushyp bara jatqanda joǵalyp ketken bolatyn. Sondaı-aq malaızııalyq úkimet basshysy BAQ-tardaǵy áýe kóliginiń qýǵynǵa alyný múmkindigi týraly aqparatty da joqqa shyǵarmady. «Bizdiń málimetterimiz boıynsha, beımálim bireýler ushaqtaǵy baılanys quraldaryn ádeıi ajyratyp tastap, ony baǵytyn ózgertýge májbúr etken bolýy múmkin. Soǵan qaramastan, biz bul oqıǵanyń túrli nusqalarda damýy múmkin ekendigin joqqa shyǵarmaımyz», - dep atap ótti Razak. Bılik ókiliniń málimdeýinshe, jerserikterinen berilgen belgiler ushaqty bireýler basyp alǵan jaǵdaıda da ol tek eki áýe baǵytynda ushýy múmkin degen boljam jasaýǵa negiz beredi. Onyń biri Taılandtyń soltústiginen bastalyp, Qazaqstanǵa qaraı baǵyttalady. Al ekinshi áýe joly Indonezııa elinen Úndi muhıtynyń ońtústik bóligine qaraı ulasady. Osylaısha, endi joǵalǵan laınerdi izdestirý aýmaǵy burynǵysynan áldeqaıda ulǵaıa túsýi múmkin. Eske sala keteıik, ishinde 227 jolaýshysy men 12 ekıpaj múshesi bar Boeing 777-200 ushaǵymen baılanys 7 naýryz kúni Malaızııa astanasynan ushyp shyqqannan keıin eki saǵattan soń úzilgen. Beıjińge bet alǵan áýe kemesi bul ýaqytta Kota-Barý qalasynan 120 teńiz mıl qashyqtyqta Ońtústik Qytaı teńiziniń ústinen ushyp bara jatqan.
