Malaızııa bıligi sý tasqynynan zardap shekken aýdandardan 7 myńǵa jýyq adamdy qaýipsiz jerge shyǵardy
ASTANA. QazAqparat - Malaızııanyń shyǵysynda bolǵan sý tasqyny saldarynan qaýipsiz jerge shyǵarylǵandardyń sany 7 myń adamǵa jaqyndap keledi, dep habarlady TASS.
Apattan qatty zardap shekken eń iri shtat Saravak bolyp otyr. Munda kóptegen mektepter jabylyp, basty magıstraldardaǵy qozǵalys toqtatyldy, sonymen birge keı jerlerge energııa taratý ýaqytsha toqtatyldy. Bılik bosqyndardy ornalastyratyn pýnktter ashýda. Óıtkeni jańbyrdyń toqtamaýyna qaraǵanda, jaǵdaı ýshyǵýy múmkin.
Malaızııanyń shyǵys jáne soltústik shtattary ótken jeltoqsanda da mol qıynshylyqtan ótti. Onda sońǵy 50 jyl ishindegi eń kúshti apat boldy. Onda 10-nan astam adam apat qurbany boldy, 250 myńnan astam turǵyn úıin tastaýǵa májbúrlendi.
