Malaızııa bıligi Boeing 777 ushaǵy qulaǵan jerge kedergisiz barýdy qamtamasyz etýdi talap etýde
ASTANA. QazAqparat - Malaızııa bıligi Donetsk mańyndaǵy Boeing 777 ushaǵynyń qulaǵan jerine dereý esh kedergisiz barýdy qamtamasyz etýdi talap etýde. Bul týraly The Star gazetine silteme jasaı otyryp, RBK habarlaıdy.
«Halyqaralyq sarapshylar men izdestirý komandasynyń qyzmetkerleri apat ornyna esh kedergisiz barýlary tıis», - dep málim etti Malaızııa kólik mınıstri Lıoý Tıong Laı.
Sondaı-aq ol rásimnen keıin marqumdardyń súıekteri týysqandaryna qaıtarylýy tıis dep habarlady. Ýkraına úkimeti Malaızııa jáne Nıderlandy, Eýrokomıssııa, «Boeing» amerıkalyq kompanııasy, halyqaralyq azamattyq avıatsııa uıymy (ICAO), amerıkalyq kóliktegi qaýipsizdik Ulttyq keńesi (NTSB), Eýrazııalyq áýe navıgatsııasy qaýipsizdigi uıymy (Eurocontrol) ókilderin tergeýge qatysýǵa shaqyrdy. Interpol men Eýropalyq odaq polıtsııa qyzmeti (Eýropol) de avıalaıner qulaǵan orynǵa óz qyzmetkerlerin jiberedi. Esterińizge sala keteıik, Amsterdamnan Kýala-Lýmpýrǵa baǵyt alǵan MH17 reısindegi Malaysian Airlines Boeing 777 ushaǵy Ýkraına aýmaǵynda beısenbi kúni keshke, 17 shildede apatqa ushyrady. Onyń bortynda 283 jolaýshy men ekıpajdyń 15 múshesi bolǵan. Olardyń barlyǵy oqıǵa ornynda qaza tapty.
