Malaysia Airlines ushaǵyn izdeýdiń kúrdeli operatsııasyna qazir 25 el qatysýda
ASTANA. QazAqparat - Malaysia Airlinesý avıakompanııasynyń joǵalyp ketken Boeing-777 ushaǵyn izdestirýge qatysýshylar sany 25-ke deıin ósti, dep habarlady Malaızııanyń kólik mınıstri Hısamýddın Hýseın. «Operatsııaǵa qatysýshylar sany 14-ten 25-ke deıin ósti», - dedi ol Kýala-Lýmpýrdaǵy baspasóz máslıhatynda.
Mınıstr bul izdestirý júrgiziletin keńistiktiń eleýli keńeıýimen baılanysty, dep naqtylady. Onyń aıtýynsha, malaızııalyq ókimet oryndary Qytaı, Taıland, Vetnam, Qazaqstan jáne Pákistan sııaqty elderden izdestirý operatsııasyna kómektese alatyn radarlar málimetteri men spýtnık sýretterin alýǵa tyrysýda.
Hýseın Malaızııa bıligi birqatar elderden joǵalǵyp ketken reıs jolaýshylary týraly aqparat kútetinin atap ótti.
Budan buryn tergeýshiler áskerı radarda kóringen Úndi muhıtyndaǵy ushaq joǵalyp ketken laıner ekenin qýattady. Eske sala keteıik, ol radarda paıda bolǵanǵa deıin 45 mınýt ishinde ushqysh kabınasynan jermen borttyń barlyq baılanys júıesi óshirilgen. Degenmen, spýtnıktik baqylaý júıesi joǵalyp ketken ushaq Úndi muhıtynda Avstralııanyń batys jaǵalaýynan 1,5 myń shaqyrym jerde apatqa ushyraýy múmkin ekenin kórsetedi.
Eske sala keteıiák, bortynda 227 jolaýshy men 12 ekıpaj múshesi bar Kýala-Lýmpýrdan Beıjińge ushyp shyqqan Boeing 8 naýryzda 02:40-ta radarlar ekranynan joǵalyp ketti.
