«Malaysia Airlines» qyzmetkerleriniń sanyn 20 paıyzǵa deıin qysqartady
ASTANA. QazAqparat - «Malaysia Airlines» áýe jelisi kompanııany damytý úshin qyzmetkerleriniń 15-20 paıyzyn qysqartýy múmkin, dep habarlady RBK.
2013 jyldyń sońyndaǵy málimet boıynsha, áýe kompanııasynda 19577 adam jumys istegen.
Bıyl áýe jelisiniń eki ushaǵy apatqa ushyraýyna baılanysty kompanııa aktsııasynyń 70 paıyzyna ıelik etetin «Khazanah Nasional» malaızııalyq memlekettik ınvestıtsııalyq qory «Malaysia Airlines»-tiń aktsııalaryn halyqaralyq bırjadaǵy aınalymda ýaqytsha toqtatý týraly sheshim qabyldaǵan. Qyzmet kórsetý sapasy jaǵynan «Malaysia Airlines» brıtandyq Skytrax kompanııasynyń 2013 jylǵy anyqtaýy boıynsha álemdegi 7 úzdik tasymaldaýshynyń qataryna kirgen. Ótken jyly kompanııa 367 mln. dollar shyǵynǵa ushyrady.
