Malaysia Airlines kompanııasynyń bolashaǵy bulyńǵyr
ASTANA. QazAqparat - Amsterdam - Kýala-Lýmpýr baǵdarynda reıs jasaýǵa shyqqan MH17 apatynan keıin Malaysia Airlines aktsııalarynyń quny 11 paıyzǵa tómendedi, dep jazady VVS.
Áýe kemesiniń apaty Batys, Ýkraına jáne Reseı arasyndaǵy qatynastardy ýshyqtyrýy múmkin degen kúdikpen sol kúni kóptegen azııalyq bırjalar tómendeýmen aıaqtaldy. Degenmen, «Malazııalyq áýe jelileri» úshin bul apat bir jyldyń ishinde ekinshi bolyp tirkeldi. Osynyń aldynda naýryzda MH370 reısi joǵalyp ketken edi jáne onyń taǵdyry osy kúnge deıin belgisiz kúıinde qaldy.
Osydan keıin kompanııanyń kúıreýi múmkindigi jaıynda kóp pikirler aıtylýda.
«Buny kezdeısoqtyq degenniń ózinde, ulttyq áýe kompanııalardyń tarıhynda birneshe aıdyń ishinde birden eki jalpaq fıýzelıajdy áýe kemesinen aıyrylý oqıǵasy eshqashan bolǵan emes. Bul turǵyda úkimet tarapynan maqsatty jáne salmaqty qoldaý qajettilik etýde», - deıdi Malaysia Airlines kompanııasymen jumys isteıtin DVB banktiń ókili Bertran Grabovskı.
Kompanııa birneshe jyldan beri shyǵyndy bolyp kelgen, al sońǵy 9 aıda onyń naryqtyq baǵasy 40 paıyzdan astam deńgeıge tómendedi.
Sarapshylardyń paıymynsha, sońǵy apattan keıin kompanııanyń bedeli túsip otyr. Osy oraıda osy oqıǵalar kompanııa úshin aýyr tıetini sózsiz.
Malaysia Airlines kompanııasyna tıesili Boeing-777 Kıevpen 16:20 (17:20 msk) shamasynda baılanysyn toqtatty. Keıin onyń Ýkraınanyń Donetsk oblysyna qarasty Grabovo aýylynyń mańynda apatqa ushyraǵany belgili bolǵan. Saldarynan bortta bolǵan 298 adam qaza tapty.
