Malaysia Airlines kompanııasy Boeing 777 ushaǵy jolaýshylarynyń týysqandaryna ótemaqy usyndy
ASTANA. QazAqparat - Malaysia Airlines áýekompanııasynyń basshylyǵy Boeing 777 ushaǵynda bolǵan jolaýshylardyń birde-biri tiri qalmady dep málimdedi, olardyń týysqandaryna aqshalaı ótemaqy usynyldy, dep habarlaıdy CNN.
Malaysia Airlines kompanııasynyń Boeing 777 ushaǵy Úndi muhıtynda qulaǵandyǵy jóninde kompanııa basshysy men Malaızııa premer-mınıstri Nadjıb Razak habarlaǵan bolatyn. Alaıda halyqaralyq izdeý jumystary jalǵasa bermek.
«Áýe laıneri joǵalyp ketti, bortta bolǵan jolaýshylar men ekıpaj músheleriniń eshqaısysy tiri qalǵan joq», - delingen Malaysia Airlines habarlamasynda.
Kompanııa óz saıtynda 17 kún buryn MH370 reısi boıynsha jolǵa shyqqan adamdardyń týǵan-týystaryna ortaqtasyp, kóńil aıtady. Sonymen qatar saıttaǵy habarlamada olarǵa 5 myń dollar kóleminde ótemaqy tólenetindigi jazylǵan. Áýekompanııasy qosymsha tólemder jasaýdy kózdep otyr, dep habarlaıdy CNN.
