Malaysia Airlines Donetsk túbindegi apat saldarynan kúnine 2 mln. dollar joǵaltýda
ASTANA. QazAqparat - «Malaızııa áýe joldary» kompanııasy Donetsk túbinde jáne Úndi muhıtynda Boeing 777 (MH17 jáne MH370 reısteri) ushaqtarynyń apatqa ushyraý saldarynan qarjylyq shyǵynǵa tap bolýda. Bul týraly Endau Analytics kompanııasynyń sarapshysy ıÝsýf Shýkorǵa silteme jasap sheteldik BAQ habarlady.
Onyń baǵalaýynsha, qazirgi kúni Malaysia Airlines kúnine 1 mıllonnan 2 mıllıonǵa deıingi qarjysynan qaǵylýda. Eger oryn alyp otyrǵan ahýal odan ary jalǵasa beretin bolsa, onda kompanııa nebári 6 aıdan astam ýaqytqa ǵana shydas beredi.
Malaysia Airlines naýryz aıynda MH370 reısi joǵalyp ketkenge deıin de qarjylyq problemaǵa tap bolǵan edi. Kompanııanyń aktsııasy sońǵy 3 jyl boıy quldyraý ústinde. Aıta keterligi 2007-2010 jyldar aralyǵy Malaysia Airlines úshin tabysty boldy. Alaıda 2011 jyly daǵdarysqa qarsy sharalar retinde reıster sanyn qysqartý saldarynan kompanııa shyǵynǵa bata bastady.
Este bolsa, Kýala-Lýmpýrdan Beıjińge bet alǵan MH370 baǵytyndaǵy áýe kemesi Malaızııa jaǵalaýynan 220 shaqyrym jerde bolǵan kezinde radardan joǵalyp ketken bolatyn. Ushaq jerge borttaǵy qandaı da bir tehnıkalyq aqaýdyń oryn alǵandyǵy ne bolmasa qandaı da bir problemanyń paıda bolǵandyǵy jaıynda dabyl jibermegen. Áýe kemesiniń bortynda 227 jolaýshy men 12 epıpaj múshesi bar edi. Áli kúnge deıin olardyń taǵdyry belgisiz. Osydan keıin sáýir aıynda Malaysia Airlines kompanııasynyń reısterine alynǵan 30 myńnan astam bılet keri qaıtaryldy nemese keıinge shegerilgen edi.
Aǵymdaǵy jyldyń 1 toqsanyndaǵy kompanııa shyǵyny 139 mln. dollardy qurady. Al 17 shilde kúni Ýkraınada osy kompanııanyń ekinshi ushaǵy apatqa ushyrady. Áýe kemesiniń bortynda 283 jolaýshy men 15 ekıpaj múshesi bolǵan. Olar: Nıderlandy, Malaızııa, Avstralııa, Indonezııa, Ulybrıtanııa, Germanııa, Belgııa, Fılıppın jáne Kanada azamattary. Jolaýshylardyń barlyǵy qaza tapty.
