Malaysia Airlines áýe kompanııasynyń ushaǵy apatty jaǵdaıda qonýǵa májbúr boldy
ASTANA. QazAqparat - Malaysia Airlines áýe kompanııasynyń Kýala-Lýmpýrdan Seýlge bet alǵan ushaǵy orta jolda elektr generatorynyń isten shyǵý saldarynan Gonkongqa apatty jaǵdaıda qonýǵa májbúr boldy. Bul jaıynda sheteldik BAQ habarlady.
Kompanııa taratqan aqparatqa qaraǵanda, áýede ushaqtyń negizgi elektr generatory isten shyqqan. Degenmen qosymsha qurylǵysy jumys isteýin jalǵastyrǵan. Osydan keıin bortynda 270-ten astam jolaýshysy bar «Aerobýs» ushaǵy jergilikti ýaqyt boıynsha saǵat 03:00-de Gonkong áýejaıyna qonýǵa májbúr boldy. Al ushaq jolaýshylary basqa reıspen Seýlge jóneltildi.
Aıta keteıik, dál osy kompanııanyń «Boıng 777» ushaǵy 8 naýryz kúni Ońtústik Qytaı teńiziniń ústinde joǵalyp ketken bolatyn. Ony izdeý jumystaryna álemniń jıyrmadan astam eli jumylǵanymen ázirshe esh nátıje joq.
