Malavı bıligi prezıdent Bıngý va Mýtarıkanyń qaıtys bolǵanyn resmı jarııalady
ASTANA. 8 sáýir. QazAqparat - Keshe Malavı úkimeti prezıdent Bıngý va Mýtarıka júrek ustamasynan qaıtys bolǵandyǵyn resmı jarııa etti.
Bul týraly ITARR-TASS habarlady.
Prezıdenttiń ólimi týraly áńgimeler birer kún buryn shyqty. Biraq resmı BAQ-tar Mýtarıka tiri ekendigin aıtyp, ol Ońtústik Afrıka Respýblıkasynda áldebir syrqattan emdelip jatqandyǵyna sendirgen bolatyn. Prezıdent Afrıkanyń Iohannesbýrgtegi Mılparktiń «jedel járdem» aýrýhanasynyń kardıologııalyq bólimine jatqyzyldy-mys.
Konstıtýtsııaǵa sáıkes, memleket basshysy qaıtys bolǵan jaǵdaıda onyń mindetteri vıtse-prezıdent Djoıs Bandaǵa ótedi. Biraq D.Banda birshama ýaqyt buryn basqarýshy partııanyń qatarynan shettetilip, ol oppozıtsııa lıderleriniń birine aınaldy. Prezıdent óziniń izbasarlyǵyna aǵasy Pıterdi, Syrtqy ister mınıstrliginiń basshysyn daıyndaǵan bolatyn.
