Malala ıÝsýfzaı BUU-nyń eń jas álem elshisi atandy

ASTANA. QazAqparat - Nıý-Iorktegi BUU-nyń shtab páterinde uıymnyń Bas hatshysy Antonıý Gýterrısh pákistandyq quqyqqorǵaýshy Malala ıÝsýfzaıdy BUU-nyń álem elshisi etip taǵaıyndady, dep habarlaıdy un.org .

Osydan bes jyl buryn tálibter Malalaǵa shabýyl jasaǵan bolatyn. Olar Malalany qyzdardyń bilim alý quqyǵyn qorǵaǵany úshin óltirmek boldy. Basynan jáne moınynan oq tıgen 14 jasar qyz densaýlyǵyn qalpyna keltirgen soń da qyzdardyń bilim alýyn belsendi qorǵaýyn jalǵastyra berdi.

«Men Malalany uıym tarıhynda alǵash ret eń jas BUU álem elshisi ertinde taǵaıyndaǵanymdymaqtan tutamyn»», - dedi Antonıý Gýterrısh saltanatty shara barysynda.

Eske sala ketsek, 2014 jyly Malala ıÝsýfzaı beıbitshilik boıynsha Nobel syılyǵyn alǵan bolatyn.  2015 jyly ol Bas Assambleıanyń mereıtoılyq 70-shi sessııasynda Rım papasynan keıin sóz sóıledi.
BUU-nyń álem elshisi mártebesi uıymnyń jumysyna halyqaralyq qaýymdastyqtyń nazaryn aýdartýǵa kelisimin bergen óner, mýzyka, ǵylym, sport jáne quqyqqorǵaý salalarynda jetistikke jetken qaıratkerlerge beriledi.