Mal jaıýǵa ketip, oralmaǵan: Jambyl oblysynda 19 jasar malshyny izdeý jumysy qalaı aıaqtaldy
ASTANA. KAZINFORM — Jambyl oblysynda 2007 jyly týǵan azamat Jas jigit Úshbas aýyly mańyndaǵy Kókbastaý jaıylymyna mal jaıýǵa shyǵyp, úıine oralmaǵan. Bul týraly TJM málim etti.
Habarlama kelip túsken boıda izdestirý jumystary uıymdastyrylǵan. Oǵan TJM, Polıtsııa departamenti, jergilikti atqarýshy organdardyń qyzmetkerleri jáne jaqyn mańdaǵy eldi mekenderdiń turǵyndary jumyldyrylǵan.
— Іzdestirý barysynda ushqyshsyz ushý apparattary, kınologııalyq eseptop, spýtnıktik baılanys termınaldary jáne Starlink júıesi qoldanyldy, — dep habarlady mınıstrlikten.
Zamanaýı jabdyqtardyń kómegimen shalǵaı aýmaqta baılanys turaqtylyǵy qamtamasyz etilip, barlyq qatysýshylardyń is-qımyldary tıimdi úılestirildi.
25 shilde kúni tańerteń izdestirý toby joǵalǵan azamatty Kókbastaý jaıylymynan shamamen 15 shaqyrym jerde tapqan. Onyń jaǵdaıy qanaǵattanarlyq dep baǵalandy. Medıtsınalyq kómek qajet bolǵan joq.
Qutqarýshylar jaıylymdarǵa jáne basqa da shalǵaı aýmaqtarǵa shyǵar aldynda jaqyndaryńyzǵa baratyn baǵytyńyz ben shamamen qaıtý ýaqytyńyzdy aldyn ala habarlaýdy usynady. Qýattalǵan uıaly telefon men baılanys quraldarynyń bolýy tótenshe jaǵdaıda izdestirý jumystaryn edáýir jeńildetedi.
Eske sala keteıik, buǵan deıin Abaı oblysynda 5 kún boıy aıdalada qar jep kúneltken malshy qutqarylǵanyn jazǵan edik.
