Iraktaǵy ken orny dron shabýylynan keıin munaı óndirýdi toqtatty
ASTANA. KAZINFORM — Iraktaǵy amerıkandyq HKN Energy kompanııasy basqaratyn Sarsang ken ornynda munaı óndirý dron shabýylynan keıin toqtatyldy. Bul týraly avtonomııalyq aımaqtaǵy munaı mınıstrliginiń qaýipsizdik jónindegi keńesshisi Karvan Baban málimdedi, dep jazdy TASS.
— Eki ushqyshsyz ushaq munaı ken ornyna shabýyl jasady, — dedi keńesshi.
Shabýyl óndiris orynyna zaqym keltirip, kompanııa munaı óndirýdi toqtatty. Qaýipsizdik keńesshisi «shabýyldan zardap shekkender joq» dep qosty.
Eske salaıyq, aqpannyń 28-i kúni Iraktaǵy áskerı baza shabýylǵa ushyrady. Keıin eldegi AQSh-tyń Vıktorııa áýe bazasyna drondar shabýyl jasady.
Sondaı-aq Iraktyń barlyq provıntsııalarynda ulttyq energııa júıesiniń isten shyǵýyna baılanysty jaryq jappaı sóndirildi.
