Mal urlap tórt ret sytylyp ketken barymtashylar besinshisinde qolǵa tústi - Qyzylorda oblysy
QYZYLORDA. QazAqparat - Qyzylorda OІІD Jalaǵash aýdandyq ishki ister bóliminiń qyzmetkerleri 5 márte mal urlyǵy qylmysyn jasap, aýyl turǵyndarynyń 13 bas malyn qoldy etip, jalpy 365 000 teńge kóleminde shyǵyn keltirgen 25 jastaǵy 2 azamatty ustady.
Bul týraly QazAqparat HAA tilshisi habarlady.
Aǵymdaǵy jyldyń 19-nan 20-na qaraǵan túni Jalaǵash aýdany turǵynynyń mal qorasyndaǵy tory tústi jylqysy urlanyp, jalpy quny 120 000 teńgeni quraıtyn shyǵyn keltirilgen. Jedel-tergeý toby qurylyp, nátıjesinde 1991 jyly týylǵan Qyzylorda qalasynyń 2 turǵyny ustaldy. Olardyń basqa da qylmystarǵa qatystylyǵyn anyqtaý barysynda jumystar júrgizilip, nátıjesinde budan bólek 4 mal urlyǵy qylmysyn jasap, 12 bas qoı urlaǵandary belgili boldy.
Atalǵan derek boıynsha Qazaqstan Respýblıkasynyń Qylmystyq kodeksiniń 188-baby 2-bóligi negizinde sotqa deıingi tergep-tekserý amaldary júrgizilýde.
Ustalǵan azamattar ózderiniń kinálaryn moıyndap, jábirlenýshilerge keltirgen materıaldyq shyǵyndaryn tolyq mólsherde ótegen.
