Malta bıligi Interpoldyń eskertýine qaramastan qazaqstandyq qashqyn Rahat Álıevke rezıdent statýsyn berdi
ASTANA. 29 maýsym. QazAqparat - Maltanyń Malta Today gazeti avstrııa prokýratýrasy 49 jastaǵy Rahat Álıevke qatysty qylmystyq tergeýdiń jaǵdaılaryna zertteý ótkizgen maqalany jarııalady.
Jýrnalıst Metıý Vela Malta bıligi polıtsııanyń qarsylyǵyna jáne Interpoldyń eskertýine qaramastan Rahat Álıevke bul elde turaqty turý ruqsatyn nelikten bergendigi týraly suraq qoıdy.
Bul týraly «Ekspress K» gazetinde Karına Mıkoıan jazady («Rahat Alıev sobıraetsıa sbejat v SShA» maqalasy, 29.06.2012 jylǵy № 117 (17475)).
Jýrnalıstiń jazýynsha, maltalyq úkimet Álıevtiń 2007 jyldan beri qylmystyq tergeý nysany ekenin esepke almady. Qazaqstanda ol Nurbanktiń eki top-menedjerin urlaǵany úshin syrttaı 20 jylǵa bas bostandyǵynan aıyrylý jazasyna kesildi.
Malta Today gazetinde Álıevtiń Maltada óziniń zaıyby Elnara Shorazovamen birge turyp jatqandyǵy jáne Rahat Shoraz esimin alyp júrgendigi aıtylǵan. Ózgeniń tegin alǵan onyń avstrııalyq tergeýshilerden jasyrynýy múmkin.
Óz kezeginde Malta bıligi qazaqstandyq qashqynǵa rezıdent dárejesin nelikten bergendigin túsindirýge asyqpaýda. Syrtqy ister mınıstrligi ǵana Álıevtiń EO azamatshasymen nekege turyp, óz quqyǵyn paıdalanǵanyn aıtýda. Biraq, jańylysyp sóılegen sózinde sheneýnikter «eger avstrııalyq bılik kózderi onyń qamalýyna eýropalyq order berse, bul talap oryndalatynyn» aıtty. Sońynda Mıýetıý Vella keıbir málimetter boıynsha Rahat Álıevtiń Qurama Shtattarǵa qaýipsiz ótýdiń amalyn izdep jatqanyn málemdeıdi.
Maqalada sondaı-aq The New York Times amerıkandyq gazetiniń mátini keltirilgen, onda Álıevtiń AQSh ókilderiniń palatasynda qazaqstandyq úkimetti synaýmen aınalysatyn lobbı qurǵany týraly aıtalady.
Osy eki arada Qazaqstannyń burynǵy premer-mınıstri Ákejan Qajygeldınniń qorǵaýshysy Lotara de Mezer Rahat Álıevtiń sýperbaı adamdar qatarynda ekendigin jáne onyń zańdardan aınalyp ótý múmkindigi bar ekendigin málimdedi.
