Malta áýejaıynda jeńil ushaq qulap, bes adam qaza tapty
ASTANA. QazAqparat - Aldyn ala boljam boıynsha, dúısenbi kúni tańerteń Malta áýejaıynda jeńil motorly ushaqtyń qulaýynan bes adam qaza tapty. Ushaq bortynda ishki shekaralar qaýipsizdigi jónindegi EO agenttiginiń qyzmetkerleri ("Fronteks") bolǵan, dep jazady Bı-bı-sı.
Apat jergilikti ýaqytpen tańǵy 7:20-da bolǵan.
Apat ornyna qutqarýshylar, dárigerler jáne órt sóndirýshiler keldi.
Áýejaı ýaqytsha jabyq tur.
Bul Ekinshi dúnıejúzilik soǵysynan keıingi jyldar ishinde Malta áýejaıynda bolǵan eń úlken áýe apaty.
Reıterdiń habarlaýynsha, ushaq Lıvııanyń Mısrata qalasyna bet alǵan.
