Mal sharýashylyǵyna ınnovatsııalardy engizý jónindegi jol kartasyn daıyndaý qajet - Smaıylov

NUR-SULTAN. QazAqparat – Mal sharýashylyǵy salasyna ınnovatsııalardy engizý jónindegi jol kartasyn daıyndaý qajet. Bul týraly búgin Úkimet otyrysynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Kóptegen elderdiń tájirıbesi ǵylym men óndiris arasynda baılanys bolmaıynsha, salanyń tıimdiligin arttyrý múmkin emes ekenin kórsetti. Aýyl sharýashylyǵy, Bilim mınıstrlikteri men «Atameken» palatasy Salaǵa ınnovatsııalardy engizý jónindegi jol kartasyn daıyndaýy qajet», - dedi Álıhan Smaıylov.

Úkimet basshysynyń paıymynsha, fermerler men ınvestorlar zamanaýı tehnologııalar men ǵylymı jańalyqtardy engizýge qarajat bólýge múddeli bolýy tıis.

«Jalpy mal sharýashylyǵyn damytý memlekettik organdardyń, fermerlerdiń, bıznestiń, ǵylym men veterınarııanyń ortaq pozıtsııasy men birlesken kúsh-jigeriniń arqasynda ǵana nátıjeli bolmaq», - dedi ol.