Mal sharýashylyǵyn damytýǵa Ulttyq qordan bólingen 2450 mln. teńge tolyq ıgeriletin bolady - M.Ońǵarbekov, BQO
ORAL. QazAqparat - 2015-2019 jyldarǵa arnalǵan «Nurly jol» baǵdarlamasyna sáıkes Ulttyq qor esebinen bıyl asyl tuqymdy mal sharýashylyǵyn damytý jáne mal sharýashylyǵy óniminiń sapasy men ónimdiligin arttyrýǵa 11 mlrd. teńge, sonyń ishinde Batys Qazaqstan oblysyna 2450 mln. teńge bólindi.
BQO aýyl sharýashylyǵy basqarmasynyń basshysy Marat Ońǵarbekovtiń aıtýynsha, bul qarjy tórt baǵyt boıynsha demeýqarjylandyrýǵa baǵyttalyp otyr. Atap aıtqanda, iri qara malyn selektsııalyq asyldandyrý jumystaryna - 2 mlrd. 235,8 mln. teńge, qus, shoshqa sharýashylyqtary men bordaqylaý alańdaryna mal azyǵy shyǵyndaryn ishinara óteýge - 177,0 mln. teńge, taǵamdyq jumyrtqa óndirý shyǵyndaryn ishinara óteýge - 28,9 mln. teńge, sútti baǵyttaǵy sharýashylyqtarǵa juǵymdy mal azyǵyn daıyndaý shyǵyndaryn ishinara óteýge 8,3 mln. teńge qaraldy. Qarjylandyrý josparyna sáıkes shilde aıyna - 123,3 mln. teńge, tamyzǵa - 600,0 mln. teńge, qyrkúıekke - 400,0 mln. teńge, qazanǵa - 1080,1 mln. teńge, qarashaǵa 246,6 mln. teńge bólindi. 4 qyrkúıekke deıin bólingen 1123,3 mln. teńgeniń 763,9 mln. teńgesi nemese jyldyq kólemniń 31,2 paıyzy ıgerildi. Kúni búgin taǵamdyq jumyrtqa (11098 myń dana) óndirý shyǵyndaryn ishinara óteýge qaralǵan 28,9 mln. teńge tolyqtaı ıgerildi. Іri qara malyn (69499 bas) selektsııalyq asyldandyrý jumystaryna 735 mln. teńge jumsaldy (32,8 paıyz).
Qarjylandyrý josparyna sáıkes qyrkúıek aıyna 400,0 mln. teńge qaralsa, aýyl sharýashylyǵy qurylymdarynan 545,0 mln. teńgege qujattar kelip tústi. Qosymsha 255,0 mln. teńgege qujattyń túsýi josparlanýda. Osyǵan baılanysty QR Aýyl sharýashylyǵy mınıstrligine qazan aıynan 400,0 mln. teńgeni qyrkúıekke jyljytý jóninde suranys jiberildi. Sonda osy aıda Ulttyq qor esebinen keletin 800,0 mln. teńgeni ıgerý kózdelýde. Bıylǵy toǵyz aıdyń qorytyndysy boıynsha 1523,3 mln. teńge ıgeriletin bolady, bul - 62,2 paıyz.
«Elbasy tapsyrmasyna sáıkes Ulttyq qordan bólingen qarjyny tıimdi de maqsatty jumsaý - basty maqsat. Bıylǵa qaralǵan 2450 mln. teńge tolyqtaı ıgeriledi. Bul óńirdegi mal sharýashylyǵynyń tutqasyn ustaǵan sharýalar úshin úlken qoldaý bolyp otyr», dedi M.Ońǵarbekov.
