Mal sharýashylyǵyn damytýǵa basa nazar aýdaryp, 2014 jylǵa qaraı 60 myń tonna et eksporttaýǵa qol jetkizýge umtylamyz- Memleket basshysy
Búgin Aqordada otandyq jáne sheteldik buqaralyq aqparat quraldarynyń ókilderine arnalǵan baspasóz máslıhatynda Elbasy Nursultan Nazarbaev osylaı málimdedi.
«Biz astyq ósirýge kóńil bóldik, endi mal sharýashylyǵyna nazar aýdaramyz jáne 2014 jylǵa qaraı elden tysqary 60 myń tonna et eksporttaýǵa múmkindik alǵymyz keledi», - dedi Elbasy.
N.Nazarbaevtyń atap ótýinshe, 60 myń tonna ettiń baǵasy 4,5 mıllıon tonna astyqtyń qunyna sáıkes keledi.
«Demek, eger biz 2020 jylǵa qaraı 180 myń tonna et eksporttaýǵa qol jetkizsek, onda bul bizdiń elimizdiń ekonomıkasyna óte mol ústeme berer edi», - dep atap ótken Memleket basshysy qazirgi ýaqytta álemde azyq-túlik probelmasynyń oryn alyp otyrǵandyǵyn, sondyqtan Qazaqstan agrarly el retinde aýyl sharýashylyǵyna zor nazar aýdaratyndyǵyn basa aıtty.
