Mal sharýashylyǵymen aınalysatyn ujymdardyń kooperatıvterge birikkenderi jón - forým
ASTANA. Shildeniń 30-y. QazAqparat /Aıdar Ospanalıev/ - Aýyl sharýashylyǵy mınıstrligi elde mal ónimderin daıyndaıtyn ortalyqtar ashýǵa kúsh salyp otyr.
Bul maqsatqa qajetti qarjy da bólingen. Bıylǵy jyly 40 ilki joba iske qosylýy qajet. Bul týraly búgin Astanada ótip jatqan I Halyqaralyq mal sharýashylyǵy forýmynda Aýyl sharýashylyǵy mınıstrliginiń Jaýapty hatshysy Evgenıı Aman málim etti.
Onyń sózine qaraǵanda, mal ónimderin daıyndaıtyn ortalyqtar arqyly nesıeleý sharalaryn júzege asyrýǵa bolady. Sonymen qatar azamattar osy ortalyqtan mal ónimderin satyp ala alady. Qoryta aıtqanda, ortalyq keń aýqymdy keshendi sharalardy atqaratyn bolady. «Sonymen qatar biz qazir eldegi sharýashylyqtardyń kooperatıvterge birikkenderi jón dep sanaımyz. Bul, árıne ońaı bitetin sharýa emes. Soǵan qaramastan biz ony qalaıda júzege asyrýymyz qajet. Óıtkeni álemde budan ózge tıimdi tájirıbe joq.
Al sharýashylyqtardy kúshtep biriktirý múmkin emes», dedi E.Aman.
