Mal sharýashylyǵy salasynda quny 100 mlrd teńgeden asatyn 62 joba iske asady

NUR-SULTAN. QazAqparat – Bıyl mal sharýashylyǵynda jalpy somasy 100 mlrd teńgeden asatyn 62 joba iske asady. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Ótken jyldyń ózinde ǵana mal sharýashylyǵynda jalpy somasy 70 mlrd teńgege jýyqtaıtyn 53 ınvestıtsııalyq joba iske asyryldy. Mysaly, sútti mal sharýashylyǵyndaǵy ımportty almastyrý mindetine sáıkes 2021 jyly qýaty 57 myń tonna bolatyn 35 taýarly-sút fermasy iske qosyldy», - dedi mınıstr.

Onyń dereginshe, 2021 jyly paıdalanýǵa berilgen 35 taýarly-sút fermasynyń 10 jobasy Soltústik Qazaqstan oblysynda júzege asty. Bul basqa óńirler úshin mal sharýashylyǵyna ınvestıtsııalar tartýda jarqyn úlgi sanalady.

«Al bıyl jalpy somasy 100 mlrd teńgeden asatyn, 2,8 myń jumys orny qurylatyn 62 jobany iske asyrý josparlanyp otyr», - dedi Erbol Qarashókeev.