Mal sharýashylyǵy ónimderiniń eksportyn arttyrýda Aýyl sharýashylyǵy mınıstrligi men QazAgro holdıngi tıisti sharalardy qarastyrýy tıis - Úkimet basshysy
ASTANA. Qarashanyń 17-si. QazAqparat /Rýslan Ǵabbasov/ - Búgin Úkimet otyrysynda Premer-Mınıstr Kárim Másimov Keden odaǵy aıasynda mal sharýashylyǵy ónimderiniń eksportyn arttyrý máselesinde Aýyl sharýashylyǵy mınıstrligi men QazAgro holdıngine tıisti sharalardy qarastyrýdy tapsyrdy,
dep habarlaıdy QazAqparat.
Úkimet otyrysy barysynda Keden odaǵy aıasynda veterınarlyq sertıfıkat máselesine toqtalǵan Indýstrııa jáne saýda vıtse-mınıstri Janar Aıtjanova «Reseı úlken kólemde mal sharýashylyǵy ónimderin ımporttaıdy. Biz qazir et ónimderiniń Reseı talaptaryna sáıkes bolýy úshin biryńǵaı sharttar belgilenetin kelissózderdi júrgizýdemiz. Búginde bul talaptar óte qatań. Qazirgi kezde Qazaqstannyń tek 4 oblysynan ımporttyq ónimdi tasymaldaýǵa ruqsat etilgen. Reseı aýmaǵyna eksporttyq ónimdi ósirýge úmittimiz», dedi.
Óz kezeginde Úkimet basshysy Reseı 3 mlrd. AQSh dollarynan astam qarjyǵa mal sharýashylyǵy ónimderin ımporttaıtynyn atap ótti. «Negizinen ımporttyq ónimder Latyn Amerıkasynan tasymaldanady. Bul degenińiz Qazaqstannyń mal sharýashylyǵyn damytýǵa aýqymdy naryq bolyp tabylady. Ónimderdiń barlyǵy qatań standarttarǵa sáıkes bolýy tıis. Bul úlken basymdyq. Osyǵan baılanysty Aýyl sharýashylyǵy mınıstrigi men QazAgro bul baǵytta jumys isteýi tıis», dedi ol.
