Mal sharýashylyǵy departamentiniń basshysy M. Baqtybaev ózine taǵylǵan aıyptardy moıyndaǵan joq
ASTANA. QazAqparat - Para aldy degen kúdikpen ustalǵan QR Aýyl sharýashylyǵy mınıstrligi Mal sharýashylyǵy departamentiniń basshysy Maqsut Baqtybaevtyń isi boıynsha sot otyrysy bastaldy, dep habarlaıdy «QazAqparat» tilshisi sot zalynan.
Sot protsesi Astana qalasy nomeri 2-shi Almaty aýdandyq sotynda ótýde.
Sot barysynda aıyptalýshy M. Baqtybaev ózine taǵylǵan aıyptardan bas tartatyndyǵyn habarlady.
«Men aıyp berýshiniń bergen aıyptarǵa qatysty naqty dálelderdi kórgen joqpyn. qalaı degenmen ondaı naqty derekter keltirilgen joq. Sonymen qatar QR Aýyl sharýashylyq mınıstrligine keltirilgen shyǵyn kólemi de sóz etilmedi», - dep atap ótti aıyptalýshy.
Qazirgi ýaqytta sot zalynda kýágerlerden jaýap alynýda.
Budan buryn habarlanǵanyndaı, mal sharýashylyǵy departamentiniń dırektory Maqsut Baqtybaev et ónimdiligi baǵytyndaǵy iri qara maldy ındekstik baǵalaýdy daıyndaý boıynsha memlekettik satyp alýdyń kelisimshartyna qol qoıýǵa kómekteskeni úshin kásipkerden 720 myń teńge kóleminde para aldy dep kúdiktelýde.
Oǵan qosa Baqtybaev «Іsker qala» jaýapkershiligi shekteýli seriktestigin «7 kontınent» turǵyn úı kesheninde jalpy somasy 12 mln. teńgege ofıstik jaıdy jalǵa alýdyń jalǵan kelisimshartyn jasasýǵa májbúrlegen dep aıyptalýda.
Aıta keteıik, shyn máninde aqshalaı qarajat osy turǵyn úı keshenindegi «Mal sharýashylyǵy jáne veterınarııanyń ǵylymı-ınnovatsııalyq ortalyǵy» jaýapkershiligi shekteýli seriktestigi jalǵa alyp otyrǵan ofıstik jaılardyń tólemine baǵyttalýy tıis bolatyn.
