Mal sharýashylyǵyn 6% mólsherlememen jeńildetilgen nesıeleý iske qosyldy
ASTANA. KAZINFORM – Aýyl sharýashylyǵy mınıstrligi 2026–2030 jyldarǵa arnalǵan mal sharýashylyǵyn damytý jónindegi keshendi jospardy ázirledi.
Memleket basshysynyń mal basyn kóbeıtý, ónimdilikti arttyrý, qaıta óńdeýdi damytý jáne mal sharýashylyǵy ónimderiniń eksporttyq áleýetin keńeıtý jónindegi tapsyrmasyna sáıkes, Aýyl sharýashylyǵy mınıstrligi 2026–2030 jyldarǵa arnalǵan mal sharýashylyǵyn damytý jónindegi keshendi jospardy ázirledi.
Keshendi jospar aıasynda mal sharýashylyǵyn damytýǵa arnalǵan jyldyq syıaqy mólsherlemesi 6% bolatyn jańa jeńildetilgen nesıeleý baǵdarlamasy iske qosyldy.
Qarjylandyrý kelesi sharttarmen usynylady:
•jeńildetilgen mólsherleme – jyldyq 6%;
•mal sharýashylyǵy salasynyń erekshelikterin eskere otyryp, ıkemdi nesıeleý merzimderi;
•qarjylandyrýdy «Agrarlyq nesıe korporatsııasy» fılıaldary, kredıttik seriktestikter jáne ekinshi deńgeıli bankter arqyly alý múmkindigi.
Nesıelik qarajat aýyl sharýashylyǵy janýarlarynyń basyn satyp alýǵa jáne bordaqylaý alańdaryn damytýǵa baǵyttalady.
Baǵdarlamanyń iske qosylýy sharýalardy qoldaýǵa jáne Qazaqstanda mal sharýashylyǵyn damytýǵa qosymsha serpin beredi dep kútilýde.
Aıta ketelik bıyl ǵylymı sharýashylyqtardaǵy egis kólemi 4,6%-ǵa artady.
