Mal sharýashylyǵy ónimderi: Qazaqstan 42 eldiń naryǵyna shyǵýǵa ruqsat aldy
ASTANA. KAZINFORM – Qytaıǵa 21 túrli ónimdi jetkizýge arnalǵan fıtosanıtarııalyq talaptar kelisildi. Bul týraly Úkimet otyrysynda QR Aýyl sharýashylyǵy vıtse-mınıstri Azat Sultanov málim etti.
- Maı-tońmaı salasy da turaqty damyp keledi. 2025 jyldyń qorytyndysy boıynsha kúnbaǵys maıynyń eksporty 41%-ǵa, al tazartylǵan kúnbaǵys maıynyń eksporty 2,1 esege ósti. Qazaqstandyq ónim Qytaıǵa, Ortalyq Azııa memleketterine, Eýropalyq odaq elderine, Aýǵanstandy jáne Irandy qosa alǵanda, 20-dan astam elge eksporttalady, - dedi A. Sultanov.
Onyń aıtýynsha, otandyq ónimdi odan ári ilgeriletý maqsatynda veterınarııalyq jáne sanıtarııalyq kedergilerdi joıý boıynsha júıeli jumys júrip jatyr.
- Qazaqstannyń mal sharýashylyǵy ónimderi 42 eldiń naryǵyna shyǵarýǵa ruqsat aldy. 2026 jylǵy mamyrda elimizdiń búkil aýmaǵy vaktsınatsııa júrgiziletin aýsyl aýrýyna tosqaýyl qoıý boıynsha qolaıly aımaq retinde resmı tanyldy. Bul tiri mal men mal sharýashylyǵy ónimderiniń eksportyn keńeıtýge múmkindik beredi, - dedi vıtse-mınıstr.
Onyń sózine qaraǵanda, ósimdik sharýashylyǵy ónimderi boıynsha Qytaıǵa 21 túrli ónimdi jetkizýge arnalǵan fıtosanıtarııalyq talaptar kelisildi. Qytaı naryǵyna eksporttaýǵa quqyǵy bar kásiporyndar tizilimine 3 604 qazaqstandyq kásiporyn engizildi. Atalǵan sharalar Qazaqstanǵa álemdik azyq-túlik eksporttaýshylary arasynda jetekshi oryndardy ıelenýge múmkindik berýde.
- 2025 jyldyń qorytyndysy boıynsha Qazaqstan un men zyǵyr eksporty boıynsha álemde 2-oryndy, jasymyq eksporty boıynsha – 4-oryndy, kúnbaǵys maıy – 6-oryndy, bıdaı – 7-oryndy, arpa boıynsha 8-oryndy ıelendi, - dedi A. Sultanov.
Buǵan deıin azyq-túlik boıynsha elde negizgi otandyq ónimder qanshalyqty qamtamasyz etilgenin jazǵan edik.
