Mal satyp alýǵa fermerlerdi qarjylandyrý úshin ekinshi deńgeıli bankter men nesıelik seriktestikter tartylady - A.Mamytbekov

ASTANA. QazAqparat - «Sybaǵa» baǵdarlamasy aıasynda bıyl 50 myń bas iri qara mal satyp alynady. Analyq mal basyn satyp alý boıynsha 2014 jylǵa arnalǵan jospar 50 myń basty quraıdy. Bul týraly búgin Úkimet otyrysynda Aýyl sharýashylyǵy mınıstri Asyljan Mamytbekov málim etti.

Onyń sózine qaraǵanda, jalpy «Sybaǵa» baǵdarlamasy sheńberinde analyq tabyndy satyp alý boıynsha 2011-2013 jyldarǵa arnalǵan jospar 124 myń bas bolatyn, osy jyldary is júzinde 166 myń bas iri qara mal satyp alyndy. Bul jospardy asyra oryndaý 34%-dy qurady. Tek 2013 jyldyń ózinde fermerler 50,7 myń bas iri qara mal satyp alǵan. Analyq mal basyn satyp alý boıynsha 2014 jylǵa arnalǵan jospar 50,0 myń basty quraıdy.

«Aǵymdaǵy jyldan bastap mal basyn satyp alýǵa fermerlerdi qarjylandyrý úshin «QazAgro» holdınginiń enshiles uıymdarymen qatar ekinshi deńgeıli bankter men kredıttik seriktestikter tartylady. Jańa «Agrobıznes-2020» baǵdarlamasy sheńberinde memlekettik bıýdjetten kredıtter boıynsha syıaqy stavkasy 4 paıyzǵa deıin sýbsıdııalanatyn bolady»,- dep atap ótti mınıstr.