Mal ósirýdiń zamanaýı ortalyǵyn qurý qajet - «QazAgro» basshysy
ASTANA. 8 qarasha. QazAqparat /Qanat Mámetqazyuly/ - Elimizge mal ósirýdiń jáne tabyndy basqarýdyń zamanaýı ortalyǵyn qurý qajet. Búgin Parlament Májilisinde ótken Úkimet saǵatynda «QazAgro» ulttyq basqarýshy holdıngi» AQ basshysy Asyljan Mamytbekov osyndaı usynys bildirdi.
Holdıng basshysynyń aıtýynsha, mal sharýashylyǵynda shapshańdatylǵan ósim úderisin basqarýdyń tıimdiligin arttyrý maqsatynda respýblıka óńirlerinde maldy ósirý jáne tabyndy basqarýdyń zamanaýı ortalyǵyn qurǵan asa mańyzdy másele.
«Bul rette ortalyqtyń birqatar negizgi fýnktsııalary bolady. Atap aıtqanda, maldy sáıkestendirý negizinde tabyndy basqarýdyń, bastapqy zootehnıkalyq eseptiń aqparattyq júıesin qurý, maldyń genetıkalyq sulbasyn jasaý, DNK markeri arqyly uryqtandyrýdyń tazalyǵyn baqylaý sekildi sharalar qamtylady. Sonymen birge, jasandy býdandastyrý stansylary qurylyp, buǵan sapalyq qasıetine qaraı baǵalanǵan buqalar jetkiziledi», - dedi A. Mamytbekov.
