Malorkada jeńil ushaq pen tikushaq soqtyǵysyp, 7 adam ajal qushty
MADRID. TASS-QazAqparat – Jeksenbide Ispanııanyń Malorka aralynda shaǵyn ushaq pen tikushaq soqtyǵysty, dep habarlaıdy QazAqparat TASS agenttigine silteme jasap.
«Inka mýnıtsıpalıtetinde jergilikti ýaqytpen kúndizgi saǵat 13:35-te tikushaq jáne jeńil ushaqtyń qatysýymen áýe apaty oryn aldy», - dep jazdy óńirlik úkimet Twitter paraqshasynda.
El Periódico gazetiniń habarlaýynsha, apat saldarynan jeti adam qaza tapqan. Onyń ishinde eki bala bar. Oqıǵanyń sebep-saldary áli aıtylǵan joq.
Tártip saqshylary apat boıynsha tergeýdi bastap ketti.
Foto: diariodemallorca
