Mal izdep júrip adasqan 5 adam qutqaryldy - Qyzylorda oblysy
QYZYLORDA. QazAqparat - Qyzylorda oblysynda dalada qalǵan 5 azamat qutqaryldy, dep habarlady QazAqparat tilshisi oblystyq TJD silteme jasap.
Qyzylorda oblysynyń TJD kezekshisinen, «Qyzylorda-Pavlodar-Ýspenka-RF» jolynyń 234 shaqyrymynan solǵa qaraı shamamen 10 shaqyrym jerde KamAZ avtokóligi batpaqqa batyp, ishindegi 5 adam dalada qalǵany jóninde jáne bir adamǵa dárigerlik kómek qajettiligi týraly habarlama tústi.
Jasaqtyń 4 qutqarýshysy men «AMO» Qyzylorda fılıalynyń 1 dárigerinen turatyn top jol talǵamaıtyn «TREKOL» kóligimen shuǵyl jolǵa shyqty. Arada 5 saǵat ýaqyt ótkennen keıin qutqarýshylar daladan betine muz qatqan sý ortasynda batyp turǵan KamAZ avtokóligin taýyp aldy. Іshindegi Qyzylorda qalasynyń 5 turǵyny mal izdep júrip batyp qalǵan. Eki kún dalada azaq-túliksiz, tońǵan azamattardyń bireýi sýyq tıip aýyrǵan. Qutqarýshylar dereý olarǵa sý ótkizbeıtin L-1 kostıýmderin kıgizip, ishi jyly óz kólikterine otyrǵyzdy. Eki kún tamaq ishpegen azamattarǵa tamaq pen ystyq shaı berildi. Sýyq tıip aýyrǵan azamatqa alǵashqy dárigerlik kómek kórsetildi. Olar aman-esen Qyzylorda qalasyna jetkizdi. 
