Maldıvtegi jarylys: Eks-prezıdent jaralandy
NUR-SULTAN. QazAqparat - Maldıv araldarynda eldiń eks-prezıdenti, qazirgi parlament tóraǵasy Mohamed Nashıd respýblıka astanasynda bolǵan jarylys saldarynan jaraqat aldy, dep habarlaıdy QazAqparat Euronews agenttigine silteme jasap.
Qurylǵy onyń úıiniń janynda jarylǵan.
Nashıd - demokratııalyq jolmen saılanǵan alǵashqy prezıdent sanalady.
Ol eldi 2008-2012 jyldar aralyǵynda basqardy. Dárigerlerdiń aıtýynsha, onyń ómirine qaýip tónip turǵan joq.
Qazirgi memleket basshysy bul shabýyldy «respýblıkanyń demokratııasy men ekonomıkasyna jasalǵan áreket» dep atady.
Ol tergeýge Avstralııanyń polıtsııa qyzmetkerleri qatysatynyn málimdedi.
El bıligi bul jaǵdaıdyń órshýine sońǵy jyldary belsendi bola bastaǵan dinı ekstremıster kináli dep otyr.
Maldıv araldarynyń kóptegen turǵyndary Irak pen Sırııadaǵy sodyrlar jaǵynda soǵysýǵa attandy.
