Maldıv elinde sý astyndaǵy qonaqúı paıda bolady
ASTANA. QazAqparat - 2018 jylǵy qarashada Maldıv Respýblıkasynda sý astyndaǵy qonaqúıdi ashý josparlanyp otyr, dep habarlaıdy The Evening Standard.
Jeke vılla sanalatyn nómir Úndi muhıtynda sý astynda 50 metr tereńdikte ornalasatyn bolady.
Osynaý erekshe qonaqúı salý týraly alǵashqy jobany Conrad Maldives Rangali Island kompanııasy usynǵan.
Joba quny 15 mln dollarǵa baǵalanyp otyr. Nómirdiń avtory jáne konstrýktory Ahmed Salemniń atap ótýinshe, vıllanyń korpýsy bolattan, betonnan jáne akrılden jasalǵan. Nómirde jattyǵý zaly, patıo jáne jeke kabınet bolady. Al eki adamǵa arnalǵan jatyn bólme sý astynda ornalasady. Mundaı oteldegi bir túndik baǵa 50 myń dollardy quraıdy.
