Maldıv araldarynda 30 kún tótenshe jaǵdaı engizildi
ASTANA. QazAqparat - Maldıv araldarynyń prezıdenti ıAmın Abdýl Gaıým sársenbi kúni, 4 qarashada elinde 30 kúnge deıin tótenshe jaǵdaı rejimin engizdi, dep habarlady «AP» agenttigi.
Buǵan qarý men jarylǵysh zaty jasyrylǵan jerdiń anyqtalýy sebep bolǵan. «Áskerıler men polıtsııa eki jerde qarý men jarylǵysh zatyn tapty. Bul turǵyndar men memleketke qaýip tóndiretindikten Ulttyq qaýipsizdik keńesi Maldıv azamattaryn qorǵaý boıynsha sharalardy qabyldaýǵa keńes berdi», - dedi memlekettiń Bas prokýrory Mohammed Anıl.
2015 jyly qyrkúıektiń sońynda, qajylyqtan qaıtyp kele jatqan prezıdent Gaıým kemesinde jarylys bolǵan. Prezıdent japa shekpedi. El bıligi muny qastandyq dep málimdegen.
