Mal dárigerleri basynda oǵy bar mysyqty qutqaryp qaldy
ASTANA. QazAqparat - Chelıabi kósheleriniń birinen qala turǵyndary bet-aýzyn qan basqan qańǵyǵan mysyqty taýyp alǵan. Zardap shekken janýardy olar haıýanattarǵa arnalǵan aýrýhanaǵa jetkizgen.
Mal dárigerlerine basynda mysyq bıikten qulap ketken nemese kólik dońǵalaǵynyń astyna túsken bolýy kerek degen oı kelgen. Alaıda bári múlde basqasha bolyp shyqty. Janýardyń basynan oq tabyldy.
«Rentgenografııadan ótkennen keıin bizdiń ujymdaǵylardyń bári jaǵalaryn ustady. mysyqtyń basynan oq shyqty. Oǵan ota jasalyp, oq alyndy. Janýar birtindep qalpyna kele jatyr. Mysyqtyń tamaq jeı bastaýy onyń beti beri qaraǵanynyń belgisi», - deıdi klınıkanyń mal dárigeri Nına Shýbına.
