Mal bordaqylaý alańdaryna jeńildetilgen nesıe beriledi

ASTANA. KAZINFORM — AShM Agrarlyq nesıe korporatsııasymen birlesip bordaqylaý alańdaryna jeńildetilgen nesıe berý baǵdarlamasyn iske qosty, dep habarlaıdy vedomstvonyń baspasóz qyzmeti.

— Aýyl sharýashylyǵy mınıstrligi Agrarlyq nesıe korporatsııasymen jáne QR Úkimetiniń qoldaýymen bordaqylaý alańdaryna jeńildetilgen nesıe berý baǵdarlamasyn bastady. 2025 jylǵa qarjylandyrýdyń jalpy kólemi shamamen 50 mlrd teńgeni quraıdy. Baǵdarlamanyń negizgi maqsaty — aınalym qarajatyn tolyqtyrý úshin jeńildetilgen sharttarmen nesıe berý arqyly iri qara jáne usaq mal bordaqylaý alańdaryn qoldaý, — delingen habarlamada.

Mınıstrlik qarjylandyrý sharttaryn atady:

Qaryz merzimi — 12 aıǵa deıin;

Syıaqy mólsherlemesi — jyldyq 5%.

Vedomstvo málimetinshe, baǵdarlamaǵa negizgi baǵyty retinde iri qara/usaq mal bordaqylaý bolyp tabylatyn, tıisti óndiristik ınfraqurylymy bar kásiporyndar qatysa alady. Jobalarǵa qoıylatyn talaptardyń biri — bordaqylanǵan maldyń keminde 50%-yn otandyq et óńdeý kásiporyndaryna ótkizý.

Aıta keteıik, 2025 jylǵy 28 shildede Aqmola oblysy ákimdiginiń uıymdastyrýymen ótken semınar-keńeste Aýyl sharýashylyǵy mınıstrliginiń ókilderi bordaqylaý alańdaryna jeńildetilgen nesıe berý boıynsha jańa baǵdarlamany tanystyrdy.

Keńes alý jáne qarjylandyrýǵa ótinim berý úshin «Agrarlyq nesıe korporatsııasy» AQ-nyń jaqyn jerdegi óńirlik fılıalyna júginý qajet. Qosymsha aqparatty Agrocredit.kz saıtynan nemese 5353 call-ortalyǵy nómiri arqyly alýǵa bolady.

Budan buryn Astanadaǵy aýktsıonda qazaqstandyq buqa 6 mıllıon teńgege satylǵanyn jazǵan edik.