Mal basyn sáıkestendirýde chıpteý men radıojıilik bırkalaryna kóshý kerek – Erlan Barlybaev
«Epızootııalyq salaýattylyqtyń jáne mal sharýashylyǵyn damytýdy josparlaýdyń negizgi faktory janýarlardy esepke alý bolyp sanalady, ol janýarlardyń zańsyz oryn aýystyrýyn, alyp-satýdyń kóleńkeli mámilelerin boldyrmaıdy. Sondyqtan mal basyn sapaly esepke alýdy qamtamasyz etý veterınarııany tsıfrlandyrýdyń strategııalyq mindeti bolyp otyr. Mysaly, Mańǵystaý oblysy boıynsha biraz mal basy Aýyl sharýashylyǵy janýarlarynyń biryńǵaı bazasyna engizilmedi, sonyń saldarynan jem-shóppen qamtamasyz etýde barshaǵa belgili problema týyndady. Osyǵan baılanysty, Aýyl sharýashylyǵy janýarlaryn birdeılendirý júıesiniń derekter bazasynda aýyl sharýashylyǵy janýarlary men olardyń ıeleri boıynsha málimetterdi ózektilendirý qajet», - dedi E. Barlybaev.
Bul rette depýtat olardy sáıkestendirý úshin chıpteýge, radıojıilik bırkalaryna jáne basqa zamanaýı atrıbýttarǵa kóshý máselesin qaraý qajet.
«Veterınarııa salasyndaǵy tsıfrlandyrý veterınarııalyq-profılaktıkalyq is-sharalar (dıagnostıka, vaktsınatsııa, emdeý jáne t.b.), veterınarııalyq preparattardy esepke alý jáne olardyń aınalymy jónindegi aqparatty da qamtýǵa tıis. Bul rette, respýblıka aýmaǵynyń ınternetpen tolyq qamtylmaýyn eskere otyryp, tıisti aqparattyq júıelerdiń derbes rejımde jumys isteýin kózdeý qajet», -dedi ol.
