Mal baǵyp júrgen baqtashyny kólik qaǵyp, mert boldy
AQTÓBE. QazAqparat – Aqtóbede júk kóligi jol boıynda atty malshyny qaǵyp ketti. 28 jastaǵy malshy oqıǵa ornynda kóz jumdy, dep habarlaıdy QazAqparat tilshisi.
Samara-Shymkent tasjolynyń Qarabutaq aýyly mańynda júk kóligi atty adamdy qaǵyp ketti. Oblystyq polıtsııa departamenti baspasóz qyzmetiniń habarlaýynsha, oqıǵa 17-aqpan kúni keshkilik bolǵan.
«Yrǵyz aýdanynan Qaraburaq aýylyna qaraı baǵyt alǵan júk kóligi 28 jastaǵy er adamdy qaǵyp ketti. Ol jol mańylda mal baǵyp júrgen baqtashy eken. Jaralanǵan malshy oqıǵa ornynda kóz jumdy. Qazirgi kezde Qylmystyq kodekstiń «Jol qozǵalysy erejesin buzý» baby boıynsha tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
