Mal azyǵyn daıyndaý kólemi boıynsha oblystar men QR Statıstıka agenttigi ártúrli málimetter usynyp otyr
ASTANA. 2 sáýir. QazAqparat - Mal azyǵyn daıyndaý kólemi boıynsha oblystar men QR Statıstıka agenttiginiń málimetteri arasynda aıyrmashylyq bar.
Bul týraly búgin selektorlyq tártiptegi Úkimet otyrysynda kóktemgi egis naýqany boıynsha baıandama jasaǵan QR Aýyl sharýashylyǵy mınıstri Asyljan Mamytbekov málim etti.
«Mal azyǵyn daıyndaýdyń kólemi boıynsha oblystardyń jedel eseptilik derekteri men Statıstıka agenttiginiń málimetterinde aıyrmashylyqqa jol berilýde. Jalpy respýblıka boıynsha 2012 jyly ondaı aıyrmashylyq 3,0 mln. tonnany qurady»,-dedi mınıstr. Atap aıtqanda, oblystyq aýyl sharýashylyǵy basqarmalarynyń aqparatyna súıensek, 15,4 mln. tonna shóp ázirlengen, al statıstıka derekterinde bul kórsetkish 12,0 mln. tonna kóleminde bolǵan.
Bul turǵyda Aqmola, Pavlodar, Qyzylorda, Soltústik Qazaqstan jáne Ońtústik Qazaqstan oblystary osyndaı aıyrmashylyqqa jol berip otyr.
