Mal azyǵyna erte qamdanǵan óńir belgili boldy

ASTANA. KAZINFORM — Qazaqstanda 28,9 mln tonna mal azyǵy daıyndaldy, dep habarlaıdy AShM baspasóz qyzmeti.

2025–2026 jylǵy qystaq maýsymyna daıyndyq aıasynda aýyl sharýashylyǵy janýarlaryna arnalǵan mal azyǵyn daıyndaý jumystary jalǵasyp jatyr.

Jergilikti atqarýshy organdardyń málimetinshe, 23 mln tonna shóp (jospardyń 93,6%), shamamen 1,8 mln tonna súrlemshóp (105,5%), 1,4 mln tonna quramajem (24,5%), 1 mln tonna súrlem (50,8%) jáne 1,8 mln tonnadan astam saban (39,2%) daıyndalǵan.

— Belsendi jumys Soltústik Qazaqstan oblysynda (116,2%), sondaı-aq Aqmola, Aqtóbe, Jambyl, Qostanaı, Shyǵys Qazaqstan, Jetisý oblystarynda jáne Shymkent qalasynda (100%) júrgizilip keledi. Daıyndalǵan mal azyǵynyń kólemi josparlanǵan ónim óndirýdi, tól alýdy jáne mal basynyń saqtalýyn qamtamasyz etýge jetkilikti. Jalpy, respýblıkadaǵy mal azyǵymen qamtamasyz etý jaǵdaıy turaqty, — delingen AShM taratqan aqparatta.

Buǵan deıin AShM-ǵa 2 aıda mal sharýashylyǵyn damytýdyń keshendi josparyn ázirleý tapsyryldy.