Maqtaı Ramazanuly shyn máninde alashtyń abzal azamaty edi - A.Esimov
ALMATY. 28 tamyz. QazAqparat - Óskeleń urpaqqa Maqtaı Saǵdıev aǵamyz úlken iz, úlken ónege qaldyrdy.
Bul týraly qala ákimi Ahmetjan Esimov búgin Almatyda kórnekti memleket jáne qoǵam qaıratkeri Maqtaı Ramazanuly Saǵdıevti aqtyq saparǵa shyǵaryp salý rásiminde aıtty.
«Óz basym Maqańmen 1980 jyldardyń aıaǵynda tanysqan edim. Ol respýblıka deńgeıinde jumysty jańa bastap jatqan kezim. Maqań bolsa belgili memleket, qoǵam qaıratkeri bolatyn. Birinshi kúnnen bastap burynnan tanys adamdaı bolyp kettik. Bul ol kisiniń qarapaıymdylyǵy, kishiligi edi. Kezdesken kezde aýyldyń, aýyl sharýashylyǵynyń jaǵdaıyn talqylaıtyn edi», - dedi A.Esimov. Qala basshysynyń aıtýynsha, M.Saǵdıev 25 jasynan bastap sharýashylyq basqaryp, 10 jyldan astam keńshar dırektory boldy. Odan keıin 2 aýdan, 3 oblys basqardy. Aýylǵa degen janashyrlyǵyna 88-shi jyldary úkimet múshelerin jınap Kókshetaýǵa aparyp aýyldyq mekender qandaı bolý kerek, áleýmettik nysandar qandaı bolý kerek, onda qandaı úıler salý kerektigin kórsetkeni naqty úlgi bola alady.
