Maqtaralda «Ustaz - uly tulǵa» atty shara ótti

Merekege aýdan basshylary men ardagerler, ustazdar qaýymy qatysty, dep habarlaıdy QazAqparat tilshisi.

 

Egemen elimizdiń erteńin oılar bilimdi de sanaly, Otanyn, týǵan jerin, ultyn súıetin ultjandy, parasatty azamatty tárbıeleýde muǵalimniń eńbegi orasan zor ekeni belgili. Bilim salasy qyzmetkerleriniń qurmetine oraı uıymdastyrylǵan sharaǵa aýdan ákimi Ǵalym Ismaılov arnaıy qatysyp, aıtýly merekemen ustazdardy quttyqtady.

 

«Ósirip otyrǵan ózińizdiń otbasylaryńyzdyń, tárbıe berip jatqan oqýshylaryńyzdyń arasynda úlken tulǵalardyń shyǵýyna tilektespiz. Aýdanymyzdyń bilim salasy órkendeı bersin.  Sizderge, sizderdiń otbasylaryńyzǵa densaýlyq,  jaqsylyq, jumystaryńyzǵa tabys tileımin!  Merekelerińiz qutty bolsyn!» - dedi aýdan basshysy.
 

Ustazdardyń tól merekesinde bolashaq urpaqty tárbıeleý isinde jemisti eńbek etip kele jatqan bir top muǵalimder QR Bilim jáne ǵylym mınıstriliginiń «Qurmet» gramotasymen, oblystyq bilim basqarmasynyń «Alǵys hattarymen», aýdan ákiminiń jáne aýdandyq bilim bóliminiń «Alǵys hattarymen» marapattaldy. Ardager ustazdarǵa aýdandyq bilim bólimi tarapynan gúl shoqtary men baǵaly syılyqtar tabys etildi. Sondaı-aq, merekelik keshte eńbek ótili 494 jyldy quraıtyn Qarabekovtar áýleti marapattaldy.

 

«Ustazdar kúni jalpy ustazdarymyzǵa, ardagerlerimizge, pedagogıkalyq mamandyqty tańdaǵan jalpy halyqqa búgingi merekelerińiz qutty bolsyn deımiz. Eldiń, halyqtyń abyroıyna bólene bersin.  Elimizdiń bolashaqtaryn jetildirip, ósirýde eńbek etýden taıynbasyn!» - dedi  Maqtaral aýdany kásipodaq uıymynyń tóraǵasy Pernebek Bahtııarov.

 

Merekelik jıynda balabaqsha búldirshinderi men mektepterdiń  ónerli oqýshylary kontserttik baǵdarlamalaryn qoıyp, ustazdarǵa degen qurmetterin kórsetti. 

 

Aıta keteıik, Maqtaral aýdanynda 125 mektepte 70 myńnan asa shákirt bilim alady. Olardy tárbıelep, bilim berý isine 9 myńnan asa ustazdar qaýymy atsalysýda.